بسم الله الرحمن الرحيم
السلام عليكم ورحمة الله وبركاته
الاخ الحبيب / pono_angel
اولا احب ارحب بوجود حضرتك فى منتدانا المتواضع واخص بالترحيب بتواجدك فى قسم الفنون القتالية
ثانيا بالنسبة لاستفسار حضرتك ...,
الموضوع بسيط جدا ... المطلوب من حضرتك تحدد مستوى المرونة واللياقة البدنية فى جسمك .. وده من خلال التمارين البسيطة السهلة ( الاسم الدارج : السويدى )
المواظبة والاستمرار فى التمارين ديه هتظهر امكانياتك الجسدية .. من حيث المرونة والسرعة و التلقائية فى الحركة ...... الخ الخ
ومن هنا تقدر حضرتك تحدد (( بعد اللجوء للقرأة الجيدة )) مدى مناسبة رياضة الكونغ فو لجسمك ولامكانياتك البدنية
على العموم .. وبشكل طبيعى جدا ... اى نوع من انواع الرياضة يناسب كل الناس بس بنسب مختلفة
وبتتميز رياضة الكونغ فو بتنوعها وتشعبها بحيث تناسب معظم الاعمار ومختلف الاوزان كمان
وده بيرجع لاحتواء الرياضة على العديد من الفروع الاساسية مثل ( الساندا او الاشتباكات الفنية - قتال الشوارع او الاشتباكات الحرة - الاساليب القتالية كأساليب الحيوانات والمعابد .... الخ )
حضرتك ممكن تبدأ تقرى عن الرياضة ديه ... وممكن تبدأ كمان فى ممارسة رياضة بسيطة كالجرى والاطالات العضلية والوترية وكمان تمارين الاحماء وتمارين عضلات البطن والضغط ... الخ واللى اعتقد انها موجودة فى احد المواضيع السابقة بهذا القسم
ويا سيدى انت توكل على الله وتابع بعض المقالات اللى وضعت هنا من قبل لتعليم الكونغ فو وقول يارب
وانا وغيرى من الاخوة الاعضاء ممارسى اللعبة تحت امر حضرتك فى اى استفسار او طلب تطلبه
وان شاء الله هنرجع نعرض موضوع باسم (( سلسة تكوين المقاتل )) اللى بدأ فى وضعها الكابتن الجميل " عبده طريبية " وسيتم اكمالها بشكل حلقات لعلك تستفيد ان شاء الله
بارك الله فيك اخى فى الله
وبارك الله فى مشاركتك الجميلة
وارجو ان تجد ما تتمناه فى منتدانا
السلام عليكم ورحمة الله وبركاته